قازاق ينتەرنەت تەلەۆيزياسى

جولىڭ بولسىن قايسار بالاقاي! 20 جاستان جۇگىرىپ ءوت

رەداكتور : ىبىراي | قاينارى : ورتالىق تەلەۆيزيا تورابى | ۋاقىتى : 05-04-2017 17:25

A-A+

كەي ىستەردى ءسىز تەك قىزىعۋىڭىز ءۇشىن ىستەپ جاتقانىڭىزدا، تاعى بىرەۋلەر ءدال سونى ءومىر تىرەگى ەتىپ جاتقانىنا سەنىڭىز. وسى تاقىرىپقا بايلانىستى سىزگە تومەندە مىناداي ءبىر بالانى تانىستىرامىز.

 


ونىڭ ەسىمى جەك ۆەللا. قازىر 8 جاستا. قازىرگە دەيىن «تەمىر ادام ءۇش ءتۇر» ماشىعىن تولىق نومەرمەن ورىنداي الاتىن ول اپتاسىنا ءۇش رەت كاسىپتىك گرۋپپامەن بىرگە ماشىق الىپ بارادى. قازىرگى كەزەڭدە ونىڭ ەكىنشى ءۇيى سپورتزال بولعان. ونىڭ ارمانى كۇندەردىڭ بىرىندە وليمپيادا ساحناسىندا التىن مەدال ەنشىلەۋ. (تەمىر ادام ءۇش ءتۇر- بۇل مالتاۋ، ۆەلەسيبەت ايداۋ، ۇزاققا جۇگىرۋ ءۇش قيمىلدى بىرىنەن سوڭ ءبىرىن دەمالىسسىز ورىندايتىن سپورت ءتۇرى.)

 


قاراماققا تويعان قوزىداي كورىنەتىن سەمىزشە بالانىڭ وسى ءبىر جاپالى سپورت ءتۇرىن تاڭداۋى ارىقتاۋ ءۇشىن دەسەڭىز مۇمكىن جارتىلاي، مۇمكىن مۇلدە قاتەلەسەسىز.

2015-جىلدان بۇرىنعى جەك باسقا بالالار سياقتى دەنە ساپاسى قالىپتى، بالالىق شاعى كوڭىلدى ءوتىپ جاتقان.

 


2015-جىلعا كەلگەندە جەكتىڭ دەنە سالماعى قالىپسىز ارتا باستايدى. العاشىندا ءجاي سەمىرۋ دەپ تۇسىنگەن اتا-اناسى ونى تاماقتان تارتا باستايدى، اۋەلى كەشكى تاماق جەگىزبەۋگە دەيىن بارادى، ءبىراق ونىڭ سالماعى ەراپايسىز ارتىپ، جارىم جىلدىڭ ىشىندە 10 نەشە كيلو سالماق قوسادى. ءىستىڭ جايدان جاي ەمەستىگىن سەزگەن اتا-اناسى ونى ەمحاناعا اپارىپ تەكسەرتكەندە عانا ونىڭ ROHHAD دەيتىن سيرەك ناۋقاسقا شالدىققانىن بىلەدى. بۇل ناۋقاسقا شالدىعۋشىلار دۇنيە جۇزىندە نە بارى 85 ادام بولىپ، ەشقايسىسى دا ناۋقاستان ايىقپاعان كورىنەدى. دارىگەر جەكتىڭ اتا-اناسىنا ناۋقاستىڭ قاۋپىن تۇسىندىرەدى جانە جەكتىڭ جاسى 20 عا جەتپەي ومىردەن وتەتىنىن ايتادى. ەندىگى بار امال ونىڭ دەنە سالماعىنىڭ تەز ارتپاۋىنىڭ الدىن الۋ.

 


الايدا كىشكەنتاي جەك وزىنە ءبىراز ۋاقىت ۇتىپ الۋدى ويلاسا كەرەك، ەرتەسىنەن باستاپ جان سالا ماشىعۋعا كىرىسەدى. «تەمىر ادام ءۇش ءتۇر» بۇل سپورت ءتۇرىن ادەتتە ەرەسەكتەردىڭ وزىندە ەكىنىڭ ءبىرى تاڭداي بەرمەيدى، ال جەك ءۇشىن بۇل ءتۇردى ورىنداپ شىعۋ تىم قيىن ەمەستەي. مۇمكىن ٴومىر ٴۇشىن ارپالىستىڭ الدىندا باسقا دۇنيەلەر قيىن دەگەن ٴسوزدىڭ وزىنە تاتىمايتىن شىعار.

 



ونىڭ ماشىقتاعى ۇستازى: «جەك وسى اراداعى جاسى ەڭ كىشكەنە سپورتشى بولعانىمەن، ەڭ قۇنتتى، ەڭ تىرىسشاڭ جانە بارلىق ءتۇردى تولىق نومەرمەن ورىندايتىن سپورتشى، ءوزى ومىرگە سونداي ۇمىتكەر» دەيدى.

 


ماشىققالى ەكى جىلدان اسسا دا جەكتىڭ سالماعى ۇزدىكسىز ارتىپ كەلەدى. جۋىقتا ارقاسىنان وسپە بايقالعان كورىنەدى. دەگەنمەن جەكتىڭ سپورتتاعى ناتيجەسى ەرەك. ونىڭ ۇستىنە وسى سپورت ءتۇرىن ءسۇيىپ قالعانى جانە بۇل سپورت ءتۇرىنىڭ اۋليەلەرى ەسەپتەلەتىن انگليالىق اعايىندى براۋىنداردى وزىنە ۇلگى تۇتۋى ءتىپتى كەرەمەت.

 

 

 


ءيا، ونىڭ ارمانى كۇندەردىڭ بىرىندە وليمپيادا ساحناسىندا انگليالىق اعايىندى براۋىندار سياقتى التىن مەدال ەنشىلەۋ.
ءيا، ونىڭ ارمانى دارىگەر ايتقان سول ءبىر 20 جاستان جۇگىرىپ وتە شىعۋ.

 


جولىڭ بولسىن، قايسار بالاقاي!