قازاق ينتەرنەت تەلەۆيزياسى

ۇلى جىبەك جولىنداعى قاۋىشۋ: جۇڭگو-قازاقستان دوستىق كونسەرتىندە ديماش ونەر كورسەتتى

رەداكتور : ەركەبۇلان | قاينارى : ورتالىق تەلەۆيزيا تورابى | ۋاقىتى : 18-04-2017 16:38

A-A+

 

«ۇلى جىبەك جولىنداعى قاۋىشۋ؛ جۇڭگو-قازاقستان دوستىق كونسەرتى» بەيجيڭ مۋزىكا زالىندا ءوتتى

2017-جىلى 17-ءساۋىر. بەيجيڭ قالاسى. جۇڭحۋا حالىق رەسبۋبليكاسى مادەنيەت مينسىترلىگى مەن قازاقستان رەسبۋبليكاسىنىڭ جۇڭگودا تۇراتىن باس ەلشىلىگى بىرلەسىپ ۇيىمداستىرعان «ۇلى جىبەك جولىنداعى قاۋىشۋ؛ جۇڭگو-قازاقستان دوستىق كونسەرتى» بەيجيڭ مۋزىكا زالىندا ءوتتى. كونسەرتتىك كەشتىڭ باستالۋ سالتىندا قازاقستاننىڭ جۇڭگودا تۇراتىن باس ەلشىسى شاحرات نۇرشوۆ ءسوز الىپ: قازاقستان مەن جۇڭگو ەكى ەل دوستىعىنىڭ تىڭ ءداۋىرى باستالعان، ۇلى جىبەك جولىنىڭ شاراپاتى قاۋىشتىرعان وسى تاماشا جاعدايدىڭ جالعاسا بەرەتىندىگىن، شي جينپيڭ ءتوراعانىڭ شاڭحاي ىنتماقتاستىق ۇيىمىنىڭ ساميتىنە جانە «ەكسپو 2017» حالىقارالىق كورمەسىنىڭ اشىلۋ سالتىنا قاتىناساتىندىعىن جاريالادى. قازاقستان مەن جۇڭگو ءوزارا ىنتماقتاستىقتى، دوستىق پەن تاتۋ كورشىلىكتى ودان ارى دامىتۋعا مۇددەلى ەكەنىن اتاپ وتتى. ودان سوڭ جۇڭگو مادەنيەت مينسترىلىگى شەتەلدەرمەن مادەني اۋىس-كۇيىس جاساۋ مەكەمەسىنىڭ باستعى شيە جىن-يىڭ ءسوز سويلەپ، ەكى ەل باسشىلارىنىڭ ورتاعا قويعان ۇلى جىبەك جولى مەن نۇرلى جول باعدارلامالارىنىڭ ءوزارا توعىسىندا وتكىزىلىپ جاتقان وسى كونسەرتتىڭ ەكى ەل حالىقىنىڭ بەرەكەسىنىڭ، ىنتماعىنىڭ ايعاعى بولىپ قالۋىن ءۇمىت ەتتى. 

 

ساۋىق كەشكە دۇنيە ءجۇزىنىڭ تالاي بيىك ساحنالارىندا ونەر كورسەتكەن قازاقستان حالىق  ءارتيسى، بەلگىلى سكريپكاشى ايمان مۇساحادجايەۆا، قازاقستانعا ەڭبەگى سىڭگەن ءارتيس، تانىمال وپەرا ءانشسى مايرا مۇحاممەد قىزى، وپەرا ءانشسى ازات مالىك، «شات» فولكلورلىق ءانسامبىلى، قازاق ۇلتتىق ونەر ينستيتۋتىنىڭ سيكريپكاشىلار توبى ونەر كورسەتتى. سونداي اق وسى كەشتىڭ مەرەيىن اسىرىپ كورەرمەندەرىن ءتورت كوزبەن كۇتتىرگەن، جاس بولسادا ءبىرتالاي حالىقارالىق بايقاۋلاردىڭ جەڭمىپازى، سلاۆيان بازارى بايقاۋىنىڭ گرامپريى، شىنجىن قالاسىندا وتكەن تانمال اندەر بايقاۋىندا «ەڭ كوپ تانىمال بولعان شەتەل ءانشىسى» ماراپاتىن يەمدەلگەن، ءۇش كۇننىڭ الدىندا عانا بولىپ وتكەن حۋنان تەلەارناسىنىڭ «ءانشى» بايقاۋىنىڭ ەكىنشى ورىن يەگەرى، قىسقا عانا بىرنەشە اي ىشىندە نەشە ميلليون جانكۇيەر جيناعان ديماش قۇدايبەرگەننىڭ بۇل رەتكى كونسەرتكە قاتىناسۋى ەدى، جاس ءانشى ونەرىنە ءتانتى جۇرتقا ارت-ارتىنان ەكى ءان ورىندادى، بۇدان تىس سكريپكاشى ايمان مۇساحادجايەۆا، وپەرا ءانشسى مايرا مۇحاممەد قىزىنا بولعان كورەرمەندەردىڭ قوشامەتى ەرەكشە بولدى، انشىلەردىڭ قۇشاعىن شوق-شوق قىزىل گۇلدەرمەن تولتىردى. وسىلايشا بۇل ەكى ەل دوستىعىنىڭ، باۋىرلاس حالىقتاردىڭ ءوزارا سيىنىڭ، ءوزارا قۇرمەتىنىڭ ايعاعى رەتىندە بايقالدى. 

  

كونسەرتتىك كەشتىڭ شاراپاتىن اسىرىپ، مۋزيكالىق سۇيەمەل جاساعان جۇڭگو ۇلتتىق راديو جانە تەلەۆيزياسىنىڭ سينفونيالىق وركەستىرى مەن ايگىلى دريجور تاۋ فان دا كونسەرت كورەرمەندەرىنە تاماشا مۋزيكالىق ساۋعا سيلادى. 

بۇل رەتكى كونسەرتتىڭ كورەرمەندەرى نەگىزىنەن جۇڭگو مادەنيەت سالاسىنداعى قايراتكەرلەر، ءار ەلدىڭ جۇڭگودا تۇراتىن ەلشىلەرى جانە ەلشىلىك قىزمەتكەرلەرى، قازاقستاندىق قوناقتار، بەيجيڭدە قىزمەت ىستەيتىن قازاق زيالىلارى جانە ستۋدەنتتەرى، بۇدان تىس قازاقستاننىڭ تالانتتى كينو اكتەرى، ايگىلى رەجيسسور دوسحان جولجاقسىنوۆ، ديماشتىڭ اكەسى قانات ايتبايەۆ قاتارلى قۇرمەتتى قوناقتار كونسەرتتى تاماشالادى. 

ورتالىق تەلەۆيزيا تورابى. بەيجيڭ

قاتىستى جازبا احباراتتار