قازاق ينتەرنەت تەلەۆيزياسى

بەيجيڭدەگى ستۋدەنتتەر توعىزقۇمالاقتىڭ ينتەرنەتتىك نۇسقاسىن جاساپ شىقتى

رەداكتور : ەركەبۇلان | قاينارى : ورتالىق تەلەۆيزيا تورابى | ۋاقىتى : 23-05-2017 09:58

A-A+

 

ورتالىق تەلەۆيزيا تورابى قازاقشا ارناسى حابارلايدى:
قازاق حالقىنىڭ ۇلىتتىق ويىنى ەسەپتى توعىزقۇمالاق وينى- قاتىستى زەرتتەۋلەرگە قاراعاندا 4000 جىلدىق تاريحى بار ەسكى ويىن تۇرىنە جاتادى، كوشپەندىلەر الگەبىراسى اتالعان توعىز قۇلاق ويىنى ويىنشىلاردىڭ اقىل ويىن، سەزگىرلىگىن، ماتەماتيكالىق ويلاۋ جىلدامدىعىن باعالايتىن، زەردەلى ويىن ءتۇرى، اباي قىردىڭ توعىزقۇمالاق، دويبى سياقتى ويىندارىنا كوپ ۋاقىت بولەتىن. اسىرەسە كوپ سالىنىپ وينايتىنى توعىزقۇمالاق بولۋشى ەدى،-دەيدى كوكباي جاڭاتاي ۇلى اباي تۋرالى ەستەگىلەرىندە، ۇلى ويشىلدىڭ توعىز قۇمالاققا بولعان ىقلاسى ەرەكشە بولعان دەسەدى، جۋىردا بەيجيڭ پوچتا تەلەگراف ۋنيۆەرسيتەتىنىڭ ستۋدەنتتەرىنەن قۇرالعان توعىزقۇمالاق زەرتتەۋ ۇجىمى وسى ءداستۇرلى ويىننىڭ ينتەرنەتتىك كەمەلدى نۇسقاسىن جاساپ شىقتى جانە ستۋدەنتتەر كورمەسىنە قاتىناستىردى، توعىز قۇمالاق دەپ اتالاتىن سايت جۇيەسىنەن ورىن العان بۇل باعدارلامادا قازاق ءتىلى، اعىلشىن ءتىلى، حانىزۋ ءتىلى قاتارلى تىلدەردە ەركىن ويناي الاسىز جانە ويىننىڭ ەرەجەلەرى ءۇش تىلدە انىق تۇسىندىرىلگەن، بۇل ارادا توعىز قۇمالاق ويىنىن ويناۋمەن قاتار كەڭەسۋ ايماعىن قۇرىپ، ويىنشىلار ويىن بارسىندا كەڭەسۋىنە پىكىرلەسۋىنە قولايلىلىق جاراتتى، بۇدان تىس ءارقايسى ۇپاي ساندارىن، ءجۇرىس بارىسىن ەستەلىككە الاتىن جۇيە ءسىزدىڭ ءاربىر قادامىڭىزدى جازىپ وتىرادى، باعا بەرەدى. تاپقىرلار بۇل ويىننىڭ ينتەرنەت نۇسقاسىنىڭ جاسالۋى ۇلتتىق ويىننىڭ جاڭا زاماندا دا جوعالماي سانادان وشپەي تۇرۋىنا بولعان تالپىنستان تۋدى دەپ قارايدى.

مامىربەك پارقات ۇلى جوبالارى تۋرالى تۇسىنكتەمە جاسادى

مامىربەك پارقات ۇلى جوبالارى تۋرالى تۇسىنكتەمە جاسادى

ايتان قامەت ۇلى ينتەرنەتتىك جوبانىڭ الدىڭعى-ارتقى بولەكتەرىنىڭ جاسالۋى تۋرالى تەحنيكالىق جولدارىن كورسەتتى

ايتان قامەت ۇلى ينتەرنەتتىك جوبانىڭ الدىڭعى-ارتقى بولەكتەرىنىڭ جاسالۋى تۋرالى تەحنيكالىق جولدارىن كورسەتتى

18-مامىر، بەيجيڭ پوچتا تەلەگراف ۋنيۆەرسيتەتىنىڭ 9-كەزەكتى ستۋدەنتتەردىڭ جاڭالىق جاراتۋ كورمەسىندە بۇل ويىن كورمەگە كەلىپ قاتىناسىپ وتىرعان وزگە ۇلت ستۋدەنتتەرىنىڭ دە قىزىعۋشىلىعىن قوزعادى، ولار وسى ويىننىڭ ويىن ەرەجەسىنە ءبىر قىزىقسا، ينەرنەتتە ەركىن ويناۋعا بولاتىن باعدارلاماعا دا ۇزدىك باعالارىن بەرىپ، بەلەت تاستادى. سوڭىندا توعىز قۇمالاقتىڭ ينتەرنەتتە وينالاتىن نۇسقاسى بۇكىل كورمەدەگى زەرتتەۋ تاپقىرلىق جۇمىستارى بويىنشا 2-دارەجەلى جۇلدەنى جەڭىپ الىپ، وسى كورمەگە قاتىناسقان ءبىر ءجۇز توقسان نەشە تاپقىرلىقتار ىشىنەن «قارسى الۋعا بولەنگەن 10 ءىرى نىسان» ماراپاتىنا يە بولدى. توعىز قۇمالاق زەرتتەۋ ۇيىمى الدا بۇل ويىندى ءتىپتى دە كەمەلدەندىرە تۇسەتىندىكتەرىن ءبىلدىردى. بۇل ويىن ينتەرنەت جۇيەسىندە بۇرىندارى دا بولعان، ءبىراق جوبالانۋى مەن باسقا قولدانىمدارى جاعىنان تىم قاراپايىم، بۇل رەتكى جوبا كوپ ارتىقىشىلقتارىمەن جۇرتتى تاڭداي قاقتىرۋى، ويىنشىلاردىڭ تاعى ءبىر رەتكى توعىزقۇمالاققا قىزىعۋشىلعىن قوزعايدى.
توعىز قۇمالاقتىڭ ويىن ەرەجەسىن ەستەرىڭىزگە سالا كەتسەك، توعىزقۇمالاق ويىنى ارنايى تاقتادا ەكى ادام اراسىندا وينالادى. ويىن تاقتاسى 2 قازان، 18 وتاۋ، 162 قۇمالاقتان تۇرادى. ويىن باسىندا ءار ويىنشىعا ءبىر قازان، توعىز وتاۋعا توعىز-توعىزدان سالىنعان 81 قۇمالاق تيەسىلى.
ءجۇرىس جاساۋ ءۇشىن ءوز جاعىڭىزداعى وتاۋلاردىڭ بىرىنەن ءبىر قۇمالاقتى ورنىنا قالدىرىپ، قالعان قۇمالاقتاردى قولعا الىپ، سولدان وڭعا قاراي بىر-بىرلەپ تاراتامىز. تاراتۋ ساتىندە قۇمالاقتار ءوز وتاۋلارىمىزدان اسىپ كەتەتىن بولسا، قارسىلاستىڭ وتاۋىنا تاراتامىز. ەگەر سوڭعى قۇمالاق قارسىلاستىڭ تاق ساندى قۇمالاعى بار وتاۋىنا ءتۇسىپ، ونداعى قۇمالاقتاردى جۇپ قىلسا (2، 4، 6، 10، 12)، سول وتاۋداعى قۇمالاقتار ۇتىپ الىنىپ، ءوز قازانىمىزعا سالىنادى. ەگەر سوڭعى قۇمالاق قارسىلاستىڭ جۇپ ساندى قۇمالاعى بار وتاۋىنا ءتۇسىپ (3 قۇمالاقتان باسقا)، تاق قىلسا نەمەسە ءوز وتاۋىمىزعا تۇسسە، قۇمالاق ۇتىپ الىنبايدى. بۇدان تىس، تۇزدىق الۋ ەرەجەسى، اتسىراۋ ەرەجەسى قاتارلى باسقىشتارى دا ۇلتتىق ويىنمىزدىڭ ەرەكشە قاعيدالارىنىڭ قاتارىنا كىرەدى.
 

قاتىستى جازبا احباراتتار