قازاق ينتەرنەت تەلەۆيزياسى

شي جينپيڭ پارتيا 19 - قۇرىلتايىنا قاتىناسقان گۇيجوۋ ولكەسى ۋاكىلدەر ۇيىرمەسىنىڭ تالقىسىنا قاتىناسىپ ماڭىزدى ءسوز سويلەدى

رەداكتور : ىبىراي | قاينارى : شينجياڭ گازەتى | ۋاقىتى : 20-10-2017 16:30

A-A+

 

شي جينپيڭ پارتيا 19-قۇرىلتايىنا قاتىناسقان گۇيجوۋ ۋاكىلدەر ۇيىرمەسىنىڭ تالقىسىنا قاتىناستى

    شينحۋا اگەنتتىگىنىڭ 19 - قازاندا بەيجيڭنەن بەرگەن حابارى. شي جينپيڭ جولداس 19 - قازان تۇستەن بۇرىن پارتيا 19 - قۇرىلتايىنا قاتىناسقان گۇيجوۋ ولكەسى ۋاكىلدەر ۇيىرمەسىنىڭ تالقىسىنا قاتىناسقان كەزدە مىنالاردى باسا دارىپتەدى: پارتيا 19 - قۇرىلتايىنىڭ بايانداماسى پارتيا مەن مەملەكەت ىستەرىنىڭ العا باسۋ باعىتىن ونان ارى ايقىندادى، ول پارتيامىزدىڭ بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاڭا داۋىردە جۇڭگوشا سوتسياليزمگە تاباندى بولاتىن جانە ونى دامىتاتىن ساياسي جارناماسى جانە ارەكەت باعدارلاماسى. جۇڭگوشا سوتسياليزمنىڭ جاڭا داۋىرگە ءوتۋى سىندى جاڭا تۇجىرىمدامانى ىشكەرىلەي ۇيرەنۋ، ەلىمىز قوعامىنىڭ باستى قايشىلىعىنىڭ وزگەرۋى سىندى جاڭا ەرەكشەلىكتى ىشكەرىلەي ۇيرەنۋ، ەكى باسقىشقا ءبولىپ، جاپپاي سوتسياليستىك وسىزاماندانعان مەملەكەت قۇرۋ سىندى جاڭا نىسانانى ىشكەرىلەي ۇيرەنۋ، پارتيا قۇرىلىسىنىڭ جاڭا تالاپتارىن ىشكەرىلەي ۇيرەنۋ جانە ءتۇسىنۋ، بۇكىل پارتيانى، بۇكىل ەلدەگى ءار ۇلت حالقىن ءبىر نيەتكە ۇيىسۋعا ىنتالاندىرىپ، ءورىس اشا العا باسىپ، جاڭا داۋىردەگى جۇڭگوشا سوتسياليزمدى العا ىلگەرىلەتۋ كەرەك.
      گۇيجوۋ ۋاكىلدەر ۇيىرمەسى قىزۋ تالقى ورىستەتتى. سۇن جىگاڭ، چىن يچين، يۇي ليۋفىن، پان كىگاڭ، جوۋ جيانكۇن، جۇڭ جيڭ، ياڭ بو، جاڭ شۋشين، حۋاڭ جۇنچيۇڭ قاتارلى 9 ۋاكىل جەكە - جەكە ءىس جۇزىندىك جاعدايمەن بىرلەستىرىپ، بايانداما جونىندە پىكىر ءبىلدىرىپ، تانىم - تۇسىنىكتەرىن بۇكپەسىز باياندادى. كوپشىلىك پارتيا 19 - قۇرىلتايىنىڭ بايانداماسى شىندىقتى ءىس جۇزىنەن ىزدەپ، داۋىرمەن بىرگە العا باسقان، تىلەك توعىستىرىپ، كۇش بىرىكتىرگەن، ادامدى العا باسۋعا جىگەرلەندىرگەن بايانداما، بۇكىل پارتيانى جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى جەڭىسىنە قول جەتكىزۋگە، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋگە، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن تىنباي كۇرەس جۇرگىزۋگە جۇمىلدىرعان جانە ىنتالاندىرعان بايانداما بولدى دەپ قاراپ، ءبىر اۋىزدان بۇل باياندامانى قۇپتايتىندىقتارىن ءبىلدىرىستى.
    شي جينپيڭ لەبىزدەرگە قۇلاق تۇرە وتىرىپ، ەستەلىك جازدى، ۋاكىلدەر ىشكەرىلەي تالقى جۇرگىزدى. ليۋپانشۇي قالاسى پانجوۋ قالاسى يۇيني اۋىلى يانبو قىستاعى پارتيا ياچەيكاسىنىڭ شۋجيى يۇي ليۋفىن لەبىز بىلدىرگەن كەزدە، پارتيا 19 - قۇرىلتايىنىڭ بايانداماسىندا ورتاعا قويىلعان جەردى كوتەرمەگە الۋدى مەرزىمى تولعان سوڭ تاعى دا 30 جىلعا ۇزارتۋ ساياساتىنا قالىڭ شارۋالاردىڭ ەرەكشە رازى بولعانىن ايتتى. شي جينپيڭ مۇنى ەستىپ ايرىقشا قۋانىپ: بۇل قالىڭ شارۋالاردىڭ كوڭىلىن ورنىقتىرۋ، - دەدى. زۇن - ي قالاسى بوجوۋ رايونى فىڭشياڭ قالاشىعى حۋاماۋ قىستاعى پارتيا ياچەيكاسىنىڭ شۋجيى پان كىگاڭ: اۋىل - قىستاقتارداعى شارۋالار شاتتىعى ساياجايىنىڭ ساياحاتى اۋىلداستاردىڭ اۋقاتتانۋىنداعى جاڭا جولعا اينالدى، - دەدى. شي جينپيڭ: اۋىل - قىستاقتارداعى شارۋالار شاتتىعى ساياجايلارىن دامىتۋعا ىنتالاندىرۋمەن بىرگە، اۋىل - قىستاق ساياحاتىنا دا تالداۋ جۇرگىزىپ جانە مەجە جاساپ، شارۋالاردى الدىن الا بەلگىلەپ، اۋىل - قىستاق ساياحاتىنىڭ باياندى دامۋىنا كەپىلدىك ەتۋ كەرەك، - دەدى. بيجيە قالالىق پارتكومنىڭ شۋجيى جوۋ جيانكۇن پارتيا ياچەيكاسىن وندىرىستىك شاعىن گرۋپپالاردا قۇرۋ، دامۋ ارقىلى كەدەيلىكتەن قۇتىلدىرۋدان قامال الۋ جونىندەگى وقۋ ورىندارى تۋرالى ايتقان كەزدە، شي جينپيڭ مىنالاردى باسا دارىپتەدى: جاڭا داۋىردەگى شارۋالاردىڭ وقۋ ورىندارى − جاسامپازدىق، پارتيانىڭ تامىرى − نەگىزگى ساتىدا، ءسوز جوق، نەگىزگى ساتى پارتيا قۇرىلىسىن مىقتى يگەرىپ، اۋىل - قىستاقتاردا قاشاندا پارتيانىڭ باسشىلىعىنا تاباندى بولۋ كەرەك. چيانشينان وبلىسى جىنفىڭ اۋدانى لۇڭچاڭ قالاشىعى لۇڭحى قىستاعى ەمحاناسىنىڭ شيپاگەرى جۇڭ جيڭ اۋىل - قىستاقتارداعى ەمدەۋدى قامتاماسىز ەتۋ ماسەلەسىن اۋىزعا العاندا، شي جينپيڭ قازىرگى شارۋالاردىڭ ەمدەۋ ساقتاندىرۋىنا جىلىنا قانشا اقشا تاپسىراتىنىن، كەدەي اۋىل - قىستاقتارداعى بۇقارانىڭ ءوندىرىس، تۇرمىس شارت - جاعدايىنىڭ جاقسارعان - جاقسارماعانىن ەگجەي - تەگجەيلى سۇراستىردى.
    گۇيجوۋ ولكەسى ليۋپانشۇي قالاسى جۇڭشان رايونى داۋان قالاشىعى حايگا قىستاعى پارتيا ياچەيكاسىنىڭ ءبىرىنشى شۋجيى ياڭ بو ءوزىنىڭ قىستاقتا تۇراتىن ءبىرىنشى شۋجي بولۋدى ءۇرتىس 8 جىل تاباندىلىقپەن جالعاستىرىپ، اۋىلداستاردى كەدەيلىكتەن قۇتىلىپ، اۋقاتتانۋعا باستاعانداعى اسەرىن سويلەگەن كەزدە، شي جينپيڭ بىلاي دەدى: كەدەيلىكتەن قۇتىلدىرۋدان قامال الۋدىڭ ءبىرىنشى شەبىندەگى نەگىزگى ساتى كادرلارىنا كوڭىل ءبولۋ، قامقورلىق جاساۋ، ءار جاقتاعى ساپاسى جاقسى، شارتقا تولاتىندارىن ءوسىرىپ ىستەتۋ، سونىمەن بىرگە جاس كادرلاردى كەدەيلىكتەن قۇتىلدىرۋدان قامال الۋدىڭ ءبىرىنشى شەبىنە بارىپ شىنىعۋعا ىنتالاندىرۋ كەرەك. شي جينپيڭ تاعى چياندۇڭنان وبلىسى جىنيۋان اۋدانى جياڭگۋ قالاشىعى سەنترلى باستاۋىش مەكتەبىنىڭ وقىتۋشىسى حۋاڭ جۇنچيۇڭعا: توڭكەرىستىك بايىرعى، از ۇلت، شەكارا، كەدەي وڭىرلەردەگى وقۋ - اعارتۋ، تاربيەلەۋ قىزمەتىنىڭ سەرپىنىن ارتتىرىپ، ءتىپتى دە كوپ اۋىل - قىستاق جانە نەگىزگى ساتى وقىتۋشىلارىنىڭ كاسىپتىك تاربيە قابىلداۋىنا مۇمكىندىك جاساۋ كەرەك، - دەدى.
ۋاكىلدەردىڭ لەبىزىن مۇقيات تىڭداعاننان كەيىن، شي جينپيڭ گۇيجوۋ ولكەسى ۋاكىلدەر ۇيىرمەسىنىڭ ۋاكىلى رەتىندە تالقىعا قاتىناسقانىنا ايرىقشا قۋانىشتى ەكەنىن ءبىلدىردى، شي جينپيڭ سول ارادا وتىرعان ۋاكىلدەرگە جانە گۇيجوۋ ولكەسىندەگى بارشا ءار ۇلت كادر - جۇرتشىلىعىنا شىن ىقىلاستى سالەم ايتتى.
    شي جينپيڭ مىنالاردى اتاپ كورسەتتى: 5 جىلدان بەرى، گۇيجوۋ پارتيا ورتالىق كوميتەتىنىڭ شەشىمدەرى مەن ورنالاستىرۋلارىن مۇقيات دايەكتىلەندىردى، تياناقتاندىردى، ءار جاقتاعى قىزمەتتەردە ۇزدىكسىز تىڭ ىلگەرىلەۋشىلىكتەر قولعا كەلدى. ولكەنىڭ جالپىلىق ءال - اۋقاتى كورنەكتى جوعارىلاپ، كەدەيلىكتەن قۇتىلدىرۋدان قامال الۋ كورنەكتى ناتيجە كورسەتىپ، ەكولوگيالىق ورتا ۇزدىكسىز جاقسارىپ، رەفورما جاساپ، ەسىك اشۋ ماڭىزدى ىلگەرىلەۋشىلىككە قول جەتكىزىپ، حالىق بۇقاراسىنىڭ تابىس سەزىمى ۇزدىكسىز كۇشەيىپ، ساياسي ەكولوگيا ۇزدىكسىز جاقساردى. گۇيجوۋدىڭ قول جەتكىزگەن تابىستارى پارتيا 18 - قۇرىلتايىنان بەرگى پارتيا مەن مەملەكەت ىستەرىنىڭ ارشىندى قاداممەن العا باسۋىنىڭ شاعىن كارتيناسى. بۇل پارتيا 18 - قۇرىلتايىنان بەرى پارتيا ورتالىق كوميتەتى بەلگىلەگەن كەلەلى ساياسي باعىت پەن قىزمەت ورنالاستىرۋلارىنىڭ بۇكىلدەي دۇرىس ەكەنىن تاعى ءبىر قىرىنان دالەلدەدى.
    شي جينپيڭ گۇيجوۋداعى جولداستاردىڭ پارتيا 19 - قۇرىلتايىنىڭ رۋحىن جاپپاي دايەكتىلەندىرۋىن، تياناقتاندىرۋىن، ىنتىماقتاسىپ، جىگەرلەنە العا باساتىن، قۇلشىنا جاڭالىق اشاتىن، تەر توگە ەڭبەك ەتىپ، ناقتى ءىس تىندىراتىن، توپ جارىپ توپتان وزاتىن رۋحتى بار كۇشپەن جەتىلدىرۋىن جانە اسقاقتاتۋىن، دامۋ جانە ەكولوگيا سىندى 2 تومەنگى شەكتى ويداعىداي ساقتاپ، دامۋ وي جەلىسىنە جاڭالىق ەنگىزىپ، توپتان وزۋ باسىمدىعىن ساۋلەلەندىرىپ، كەدەيلىكتەن قۇتىلدىرۋدان قامال الۋدىڭ شەشۋشى شايقاسىن جۇرگىزىپ، دوڭگەلەك داۋلەتتىلىككە ءبىر ۋاقىتتا جەتۋدىڭ شەشۋشى جەڭىسىنە جەتۋىن، جاڭا داۋىردەگى گۇيجوۋدىڭ دامۋىنىڭ جاڭا داستانىن جالعاستىرا جازىپ، حالقى اۋقاتتى، ەكولوگياسى كوركەم، مىڭ بوياۋلى گۇيجوۋدىڭ جاڭا بولاشاعىن اشۋىن ءۇمىت ەتتى.
    شي جينپيڭ مىنالاردى اتاپ كورسەتتى: جۇڭگوشا سوتسياليزم جاڭا داۋىرگە ءوتتى، بۇل ەلىمىز دامۋىنىڭ جاڭا تاريحي بەلەسى. مۇنداي كەلەلى ساياسي تۇجىرىم جاساۋ جالپى جاعدايعا ساياتىن ستراتەگيالىق تالعام، ءبىز، ءسوز جوق، جاڭا ءداۋىر تالابى بويىنشا، دامۋ ستراتەگيالارى مەن ءتۇرلى ساياساتتاردى كەمەلدەندىرىپ، ءتۇرلى قىزمەتتەردى ىلگەرىلەتۋىمىز جانە تياناقتاندىرۋىمىز كەرەك. ەلىمىز قوعامىنىڭ باستى قايشىلىعىنداعى وزگەرىسى جالپى جاعدايعا ساياتىن تاريحي وزگەرىس، ول پارتيا مەن مەملەكەت قىزمەتىنە كوپتەگەن جاڭا تالاپ قويدى، ءبىز جاڭا دامۋ ۇستانىمدارىن ىشكەرىلەي دايەكتىلەندىرىپ، دامۋدىڭ بىركەلكى، تولىق بولماۋى ماسەلەسىن كۇش سالا شەشىپ، حالىق بۇقاراسىنىڭ كوپ جاقتاعى كۇن سايىن ارتىپ وتىرعان قاجەتىن ءتىپتى دە جاقسى قاناعاتتاندىرىپ، ادامنىڭ جان - جاقتى دامۋىن، بارلىق حالىقتىڭ بىرگە اۋقاتتانۋىن اناعۇرلىم جەبەۋىمىز كەرەك. ءبىز پارتيا 19 - قۇرىلتايىنىڭ مەملەكەتىمىزدىڭ بولاشاق دامۋى جونىندە جاساعان ستراتەگيالىق ورنالاستىرۋىمەن تىعىز بىرلەستىرىپ، پارتيا مەن مەملەكەتتىڭ ءتۇرلى قىزمەتتەرىن ىلگەرىلەتۋىمىز، اسىرەسە، ءتۇرلى ستراتەگيالاردىڭ، قىزمەتتەردىڭ، ساياساتتاردىڭ، شارالاردىڭ جالعاسىمدىلىعى مەن كورەگەندىگىن ساقتاپ، ءبىر قادامعا ءبىر قادامدى جالعاپ، بەلگىلەگەن نىسانامىزعا قاراي ۇزدىكسىز العا باسۋىمىز كەرەك.
    شي جينپيڭ مىنالاردى باسا دارىپتەدى: جۇڭگونىڭ ىستەرىن ويداعىداي ىستەۋدىڭ تەتىگى پارتيادا. پارتيانى جاپپاي قاتاڭ جونگە سالۋ − پارتيانىڭ ۇزاق ۋاقىت بيلىك جۇرگىزۋىنىڭ ءتۇبىرلى تالابى بولىپ قالماستان، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ دا ءتۇبىرلى كەپىلى سانالادى. پارتيامىزدىڭ حالىقتى ىنتىماقتاستىرىپ جانە باستاپ، ۇلى كۇرەستەر جۇرگىزىپ، ۇلى ىستەردى ىلگەرىلەتىپ، ۇلى ارماندى جۇزەگە اسىرۋى ءۇشىن، ءسوز جوق، پارتيانى ءتىپتى دە مىعىم، پارمەندى ەتىپ قۇرىپ شىعۋدان اۋىتقىماۋ كەرەك. پارتيانى جاپپاي قاتاڭ جونگە سالۋ ماڭگى جالعاسادى. پارتيانى جاپپاي قاتاڭ جونگە سالۋ ماسەلەسىندە، بىزدە «وسى دا بولار، تىنىستاپ، دەمالىپ الايىق» دەيتىن يدەيا بولماۋى، «ءبىر شايقاستى جاقسى جۇرگىزىپ، ءبارىن تىندىرىپ تاستادىق» دەيتىن يدەيا بولماۋى، العاشقى ناتيجەسىن كورە سالا تىزگىن تارتاتىن يدەيا بولماۋى كەرەك. ءسوز جوق، تىنباي قۇلشىنىپ، جۇمىستى ءبىر باسقا شىعارىپ، پارتيانى باسقارۋدىڭ، پارتيانى جونگە سالۋدىڭ تەتىكتەرىن ونان ارى بەكەمدەپ، پارتيانى جاپپاي قاتاڭ جونگە سالۋدىڭ وي جەلىسى مەن شارالارىن ءتىپتى دە عىلمي، ءتىپتى دە بەرىك، ءتىپتى دە ۇتىمدى ەتىپ، پارتيانى جاپپاي قاتاڭ جونگە سالۋدىڭ تەرەڭدەي دامۋىن ىلگەرىلەتۋ كەرەك. ءار دارەجەلى پارتيا ۇيىمدارى مەن بارلىق پارتيا مۇشەلەرى، ءار دارەجەلى پارتيالى كادرلار، ءسوز جوق، پارتيا ورتالىق كوميتەتىنىڭ بەدەلىن باتىل قورعاپ، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا بۇلجىماستان بويسۇنىپ، «4 تانىمدى» قىزمەت ورىنعا، ارەكەتكە تياناقتاندىرىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن قاز - قالپىندا اتقارىپ، پارتيا ورتالىق كوميتەتىمەن يدەيادا، ساياسيدا، ارەكەتتە قاشاندا وسكەلەڭ ءبىر اۋىزدىلىقتى ساقتاۋ كەرەك.
    شي جينپيڭ مىنالاردى اتاپ كورسەتتى: قۇرىلتايدان كەيىن، پارتيا 19 - قۇرىلتايىنىڭ رۋحى جونىندەگى ۇگىت - تاربيە قىزمەتى مەن ۇيرەنۋ - تاربيەلەۋ قىزمەتىن مۇقيات، ويداعىداي ۇيىمداستىرىپ، جەر - جەردىڭ، تاراۋلاردىڭ ۇيرەنۋدەگى، دايەكتىلەندىرۋدەگى ناقتى شارالارى مەن ناقتى ارەكەتتەرىن ۇگىتتەۋگە ءمان بەرۋ، نەگىزگى ساتى كادر - جۇرتشىلىعىنىڭ ۇيرەنۋىندەگى، دايەكتىلەندىرۋىندەگى تيپتىك ىزگى ىستەرى مەن تاماشا بەينەلەرىن ايگىلەۋگە ءمان بەرۋ كەرەك. ءتۇرلى ۇگىت فورمالارى مەن تاسىلدەرىنەن تولىق پايدالانىپ، حالىق بۇقاراسى ۇناتاتىن فورمالاردى قولدانىپ، پارتيا 19 - قۇرىلتايى رۋحىنىڭ كاسىپورىندارعا، اۋىل - قىستاقتارعا، ورگاندارعا، مەكتەپتەرگە، الەۋمەتتىك اۋماقتارعا، اسكەري گازارمالارعا كىرۋىن جەبەپ، كادرلاردىڭ ىسكەرلىك جىگەرىن جانۋ كەرەك. شوعىرلى ۇگىت قيمىلدارىن ويداعىداي ۇيىمداستىرىپ، پارتيا 19 - قۇرىلتايىنىڭ رۋحىن ەگجەي - تەگجەيلى بايانداپ، ايقىن ءتۇسىندىرىپ، بۇقارانىڭ ۇعۋىنا، يگەرۋىنە، تياناقتاندىرا الۋىنا مۇمكىندىك جاساۋ كەرەك.

قاتىستى جازبا احباراتتار