قازاق ينتەرنەت تەلەۆيزياسى

پارتيا 19 – قۇرىلتايى: جۇڭگونىڭ اقىل – پاراساتى مەن جۇڭگونىڭ جوباسى دۇنيە جۇزىنە ىقپال ەتۋدە

رەداكتور : ىبىراي | قاينارى : حالىق تورابى | ۋاقىتى : 25-10-2017 11:15

A-A+

  پارتيا 19 – قۇرىلتايى اشىلعاننان بەرى، 600دەن استام شەتەل باسشىسى، ساياسي پارتيالارى مەن ۇيىمدارى تەلەگرامما جانە قۇتتىقتاۋ حاتىن جولداپ، قۇرىلتايدىڭ اشىلعانىن قىزۋ قۇتتىقتادى، 130 نەشە مەملەكەتتەن مىڭنان استام شەتەلدىك ءتىلشى الدىڭعى شەپتە تىلشىلىك ىستەدى، ءار ەل ماماندارى مەن وقىمىستىلارى ءجىتى نازار اۋدارىپ، بار زەيىنىمەن زەرتتەۋدە. وسى ءبىر قوڭىر كۇزدە، دۇنيە ءجۇزى جۇڭگونىڭ سالتاناتتى قۇرىلتايىنا تۇگەل نازار اۋداردى ءارى قۇرىلتايدى بيىلعى دۇنيە ءجۇزى بويىنشا ەڭ ماڭىزدى وقيعالاردىڭ ءبىرى دەپ قارادى.

  جۇڭگونىڭ كۇن سايىن دۇنيە ءجۇزى ساحناسىنىڭ تورىنە شىعا باستاۋىنا ىلەسە، جۇڭگونىڭ تانىمى، جۇڭگونىڭ اقىل – پاراساتى، جۇڭگونىڭ جوباسى، جۇڭگونىڭ ورايى كۇن سايىن دۇنيە ءجۇزىنىڭ نازارىن اۋدارۋدا. جاڭا ءداۋىر، سونى يدەيا، جاڭا بورىش، تىڭ ساپار ــ بۇل جۇڭگونىڭ دۇنيە جۇزىمەن اناعۇرلىم تىعىز قارىم – قاتىناستا بولاتىنىن بىلدىرەدى. جۇڭگونىڭ حيكاياسى الەمدەگى باسقا مەملەكەتتەردىڭ دامۋعا تالپىنۋىنا ۇلگى بولىپ، ءار ەلدىڭ بىرگە دامۋىنا شابىت بەرەدى.

  پارتيا 18 – قۇرىلتايىنىڭ بايانداماسىندا جۇڭگو كوممۋنيستىك پارتياسىنىڭ وتكەن 5 جىلداعى ەل باسقارۋ تاجىريبەلەرى قورىتىندىلانىپ، جاڭا داۋىردەگى جۇڭگوشا سوتسياليزم يدەياسى ايقىن ورتاعا قويىلىپ، عىلىمي سوتسياليزمنىڭ قۇدىرەتتى ومىرشەڭدىك قۋاتىن ايگىلەدى. جۇڭگوشا سوتسياليزمنىڭ جەلبىرەگەن ۇلى تۋى دۇنيە جۇزىنە سوتسياليزمنىڭ 500 جىل دامۋدى باستان كەشىرگەن سوڭ، ءالى دە تاسقىنداعان ومىرشەڭدىك قۋات تانىتىپ وتىرعانىن كورسەتتى.

  انگليانىڭ 48 توبى كلۋبىنىڭ ءتوراعاسى پەيلي بىلاي دەيدى: وتكەن بەس جىلدا باس شۋجي شي جينپيڭنىڭ باسشىلىعىندا، جۇڭگو رەفورمانى ۇزدىكسىز تەرەڭدەتىپ، ەكونوميكانىڭ قايتالاي بىركەلكى جانە ساپالى ارتۋىن ىلگەرىلەتىپ، جۇڭگوشا سوتسياليزمدى كوركەيتۋگە بەرىك نەگىز قالادى.

  رەسەي اكادەمياسى قيىر شىعىس تانۋ زەرتحاناسى جانە بولجام ورتالىعىنىڭ مەڭگەرۋشىسى نوگرادوۆ جۇڭگوشا سوتسياليزم جولىنىڭ تابىستى ءامالياتى دامۋ ۇستىندەگى ەلدەردىڭ وسىزاماندانۋعا بەتالعان جولىن كەڭەيتتى دەپ قارادى.

قاتىستى جازبا احباراتتار